Ohiko galderak
- Zer arautzen du Gardentasunaren Legeak?
- Zein erakunde daude behartuta informazioa ematera?
- Zer da Portugaleteko Udaleko Gardentasunaren Ataria?
- Zer du atari honek?
- Zer da Publizitate Aktiboa?
- Argitaratu beharreko informazioak ba al du mugarik?
- Zer egin dezaket Atarian informaziorik aurkitzen ez badut?
- Zer da informazio publikoa eskura izateko eskubidea?
- Edozein informazio mota eska daiteke?
- Nola azaltzen dira mugak?
- Zergatik dago datu pertsonalen babesa?
- Zer da sarbide partziala?
Gardentasunaren Legea
Zer arautzen du?
Lege horrek aurreikusten du zer informazio jarri behar duten Administrazio Publikoek hiritarren eskura; haiek erakundeei informazioa nola eska diezaieketen eta arduradun publikoek Gobernu Onaren inguruan bete behar dituzten arauak zeintzuk diren zehaztu ere egiten du.
Zein erakunde daude behartuta informazioa ematera?
Administrazio publiko guztiak, sektore publikoko erakunde guztiak, organo konstituzionalak eta autonomietan haien baliokideak direnak, sektore publikoko fundazioak, administrazio publikoek osatutako elkarteak eta gehiengoko parte hartze publikoa duten merkataritza-sozietateak daude behartuta Gardentasunaren Legea betetzera; beraz, legeak aipatzen duen informazioa argitaratu behar dute, eta, gainera, hiritarren informazio eskaerari erantzun.
Halaber, entitate pribatuek (alderdi politikoek, sindikatuek eta erakunde sindikalek, besteak beste) eta laguntza publikoak jasotzen dituzten bestelako erakundeek ere berdin jokatu behar dute.
Zer da Portugaleteko Udaleko Gardentasunaren Ataria?
Portugaleteko Udalaren inguruko informazioa atzitzeko plataforma da. Bertan, herritarrek informazio publikoa eskuratzeko eskubidea erabiliz maizen eskatzen duten informazioa agertuko da.
Zer du atari honek?
Atari honen xedea da, Gardentasunaren Legeari jarraituz, administrazio-jardueraren gardentasuna zabaltzea eta indartzea, haren inguruko informazioa eskuratzeko eskubidea arautzea eta bermatzea eta arduradun publikoek Gobernu Onaren inguruan bete behar dituzten arauak zeintzuk diren zehaztea.
Publizitate aktiboa
Zer da?
Lege horri jarraituz administrazio publikoek gardentasuna bermatzekotan aldizka eguneratu eta publiko egingo duten informazioa da. Kategoriatan sailkatuta agertuko da.
Horrela, hiritarrek honako informazioa izango dute eskura: erakundeari, antolakuntzari eta plangintzari buruzkoa,juridikoa, ekonomikoa eta aurrekontuen eta estatistiken ingurukoa, legean ezartzen den moduan.
Argitaratu beharreko informazioak ba al du mugarik?
Bai .Gerta daiteke informazioa ez argitaratzea edo bere osotasunean ez argitaratzea, herriaren segurtasuna eta defentsa edota datu pertsonalak babestearren.Dena den, halako kasuetan egiaztatu beharko da benetan nolako eragina izan dezakeen.
Zer egin dezaket Atarian informaziorik aurkitzen ez badut?
Printzipioz, eskatutako informazio garrantzizkoena eskuragarri agertuko da atarian; gainera, beharrezkoa izanez gero, berriro erabili edo partekatu ahal izango da. Informazio gehiago nahi izanez gero, eskubidea duzu informazio publikoa eskatzeko atarian bertan dagoen formularioaren bidez.
Informazio publikoa eskura izateko eskubidea
Zer da?
Konstituzioak 105.b artikuluan aurreikusten duen eskubidea da. Horren arabera, informazio publikoa Administrazioak dituen edo bere jardueraren barruan egin dituen eduki edo dokumentuak izango dira.
Edozein informazio mota eska daiteke?
Ez. Datu eskaerak baditu muga batzuk, ondasun juridikoei babesa emateko. Muga horiek publikoa ez den informazioa babesten dute, pertsona edota interes publikoak kaltetuak izan ez daitezen.
Mugak honako hauek dira:
- Nazioaren segurtasuna
- Defentsa
- Kanpoko harremanak
- Segurtasun publikoa
- Zigor hauste penalen prebentzioa, ikerketa eta zigorra, hala administratiboak nola diziplina arlokoak izanik.
- Prozedura judizialetako alderdien arteko berdintasuna eta babes judizial eragingarria
- Honako betekizun administratiboak: zaintza, ikuskapena eta kontrola
- Interes ekonomiko eta komertzialak
- Ekonomia- eta diru-politika
- Sekretu profesionala eta jabetza intelektuala eta industriala
- Erabakiak hartzeko prozesuetarako beharrezko konfidentzialtasunaren edo sekretuaren bermea
- Ingurumenaren babesa
Nola azaltzen dira mugak?
Organo bati kalte egin dezakeen informazio jakin bat eskatzen bazaio, egiaztatu beharko du benetan nolako kaltea eragin dezakeen.
Zergatik dago datu pertsonalen babesa?
Eskatutako informazioak datu bereziki babestuak baditu, informazio hori eskuratzeko nahitaezkoa izango da eragiten zaionaren berariazko idatzizko baimena izatea.
Zer da sarbide partziala?
Informazioan aurreikusitako mugaren batek eragiten ez badio informazio guztiari , informazioaren zati bat, mugaketak eragindako informazioa kenduta, eskuratzeko baimena emango da. Hala egiten bada, eskatzaileari jakinarazi beharko zaio informazioaren zati bat kendu dela.